5 arrazoi txakurrek lagundutako esku-hartzeak eraginkorrak zergatik izan daitezkeen, ikerketa zientifikoen arabera:

Estresa eta antsietatea murriztea: txakur bat laztantzeak kortisol-maila edota estresaren hormona gutxitzea, eta endorfina gehiago askatzen lagundu dezakeela frogatua dago, horrek ongizate-sentsazioa eraginez.

Lotura emozionala: txakurrak gizakiekin lotura emozional sendoak sortzeko duten gaitasunagatik ezagunak dira. Konexio horrek babes emozionala eta segurtasun-sentsazioa eman diezaieke terapietan parte hartzen duten pertsonei.

Estimulazio sentsoriala: txakur baten presentziak eta harekin hartuemana izateak zentzumenak estimulatu eta kontzientzia sentsoriala hobe dezakete, bereziki onuragarria izan daitekeena aniztasun funtzionala edo garapen-nahasmenduak dituzten pertsonentzat.

Motibazioa eta konpromisoa: txakur batekin lan egiteak motibazioa eta konpromisoa areagotu ditzake saio terapeutikoetan. Jarduera terapeutikoetan parte hartzeko prestutasuna handitu daiteke pertsona askorengan animalia batekin lan egiten dutenean.

Trebetasun sozialak hobetzea: ingurune terapeutiko batean txakurrekin elkarrekintzek gizarte- eta komunikazio-trebetasunak hobetzen lagun dezakete, batez ere gizarte-harremanetarako zailtasunak dituzten pertsonengan.